Наурыз-көктемнің ежелгі мерекесі, ол өзінің мерекелік шаңырағының астында еліміздің барлық көпұлтты халқын біріктіреді!

Наурыз-көктем мерекесі ғана емес, бұл жақсылық пен бақытқа толы жаңа өмірдің басталуының символы.

Біздің міндетіміз-жас ұрпақты ұлттық салт-дәстүрлермен таныстыру. Ата-баба мұрасы ретінде ұлттық дәстүрлерді білуге, құрметтеуге, түсінуге және жалғастыруға үйрету. Отанға деген сүйіспеншілікті, әртүрлі ұлт өкілдеріне деген құрметті тәрбиелеу.

"Сәлем, Наурыз" мерекелік іс — шарасының алғашқы қонақтары Қостанай қаласының № 1 балабақшасының кіші тобының тәрбиеленушілері болды. Мектеп жасына дейінгі балалар көрмеге үлкен қызығушылықпен қарап, кітаптарды тамашалап, "Нұрын төккен көктем" акциясының алғашқы қатысушылары болды. Оларға ең ұнағаны-бауырсақтар мен тәттілер.

6 наурыз Қостанай облысында "10-шы аймақ  ОҚИДЫ" облыстық акциясы өтті. Аталған акцияның бастамашысы Ы. Алтынсарин атындағы облыстық балалар мен жасөспірімдерге арналған кітапхана болды. Акция жыл сайын наурыздың бірінші сәрсенбісінде өтетін Дүниежүзілік дауыстап оқу күніне орайластырылған. Акцияның негізгі мақсаты: балалар мен жасөспірімдердің назарын кітаптың маңыздылығына және кітап оқу қызықты екендігіне аудару.

Биыл акция қатысушыларына көрнекті қазақ жазушысы, балалар әдебиетінің классигі Бердібек Соқпақбаевтың шығармаларын оқу ұсынылды.

Акцияға Қостанай облысының 130-дан астам кітапханасы қосылды, онда әр жастағы оқырмандар үшін Б.Соқпақбаевтың өмірі мен шығармашылығы туралы баяндайтын түрлі іс-шаралар өтті. Акцияға 2000-нан астам кітап және оқу әуесқойлары қатысты.

14 наурыздан бастап Қазақстанда ең маңызды мерекелерінің бірі «Наурыз мейрамы» тойлана басталды. Наурызнаманың бірінші күні туыстарымен кездесуге арналған, ал біз кітапханада оқырмандарымызбен кездесіп жатырмыз.

Наурыз дәстүрлері апталығының ашылуына № 19 мектептің 7 "а" сынып оқушылары келді. Наурыз мерекенің тарихы туралы әңгімені тыңдап алып, балалар мерекелік коллаждарды жасауға кірісті, кейін қызықты "Тымақ ұру"ойынға қатысты. Іс-шараның сонында жасөспірімдер кітапханашылар мен педагогтардың батасын алды.

Бүгін Қостанай Бытсервис колледжінің студенттері үшін Шәкен Аймановтың 110 жылдығына арналған "Қазақ даласынан шыққан ұлы режиссер" атты іс-шара өтті. Шәкен Кенжетайұлының есімі республиканың мәдени өмірінде мәңгілік алтын әріптермен жазылған. Ол халық құрметіне бөлінген қазақтың әйгілі актері, режиссер. КСРО-ның халық әртісі, «Қазақфильм» киностудиясының жетекшісі, режиссер әрі актер Шәкен Айманов көп қырлы тұлға болды.

Морис Симашко-Қазақстанның орыс әдебиетіндегі және жалпы Орталық Азия елдерінің әдеби, мәдени кеңістігіндегі танымал есім. Ол Орталық Азиядағы жаңа тарихи роман мектебінің негізін қалаушылардың бірі. Симашко 40-тан астам тілде рекордтық басылымдармен шыққан 20 кітаптың авторы, оның сценарийлері бойынша 10-ға жуық фильм түсірілген. Биыл ол 100 жасқа толар еді. Осы күнге орай кітапханашылар ҚСК студенттері үшін іс-шара өткізді. Жазушы және оның "Емшан" шығармасының басты кейіпкері Сұлтан Бейбарыстың өмірбаянымен танысып, балалар шығарма бойынша жұмыс істеді. Сюжеттегі негізгі оқиғаларды талқылай отырып, кейіпкердің өмірінің әртүрлі кезеңдеріндегі эмоцияларын талдау арқылы тарихқа енуге және оның әрекеттерінің себептерін түсінуге мүмкіндік берді. Кездесуден кейін М. Симашконың кітаптары мен Сұлтан Бейбарыстың өміріне арналған әдебиеттер ұсынылды.

"Бір ел-бір кітап" республикалық акциясы аясында кітапханада жазушы, ақын, сценарист Бердібек Соқпақбаевтың шығармашылығы бойынша "Біздің құрдасымыз Қожа" атты репортаж-шолу дауыстап оқу өткізілді.

"Бірге дауыстап оқимыз" оқуының мақсаты — оқығанды есту және түсіну үшін белсенді тыңдауға үйрету, әдебиетпен үнемі қарым-қатынас жасауға үйрету, сөз сезіміне тәрбиелеу, кітапқа деген қызығушылықты, сүйіспеншілік пен құмарлықты ояту.

Кездесуге № 3, 7, 16 ЖББМ 5-6 сынып оқушылары шақырылды.

Балалар мұқият тыңдап, сұрақтарға жауап берді, кейіпкерлерге сипаттама берді, өз әсерлерімен бөлісті. Кітап оқу іс-шараға келген барлық қатысушыларын ойландырды, өйткені әдеби шығармалар кейіпкерлердің іс-әрекеттерін бағалау және олардың қателіктерінен сабақ алу үшін жасалған.

Кітап үлкен қызығушылық тудырып, іс-шара соңында көптеген оқушылар оны алып, оқығысы келді.

Көктеммен бірге бізге әдемі және керемет мереке-8 наурыз Халықаралық әйелдер күні келді.

Бұл - көктемнің ең керемет, ең нәзік мерекесі! Бұл күн ерекше, ол күн сәулесімен, әйелдердің күлімсіреулерімен жылытылады, гүлдермен және мақтау сөздермен безендіріледі. Мереке қарсаңында біздің кітапханада Әйелдер күніне арналған "Қостанай әлеуметтік қызмет көрсету орталығы" тәрбиеленушілеріне арналған мерекелік іс-шара өтті. Іс-шара байқаулар, викториналар, көктемгі ойындар, мастер-кластармен жалғасты.

Қазақ әдебиетінің негізін қалаушы үш тұлғаның бірі Ілияс Жансүгіров биыл 130 жасқа толар еді. Осы күнге орай ғылыми-көпшілік әдебиет бөлімінде «Қазақ поэзиясының құлагері» атты іс-шаралар өткізілді. Кездесуге №11 орта мектептің 7-9 сынып оқушылары шақырылды. Балалар дайындықпен келіп, автордың өлеңімен оңай жұмыс істей алды. Олар шығарманы талдап, сюжет пен жекелеген оқиғаларды талқылады. Іс-шара соңында мұғалімдер ақын және оның шығармашылығы туралы жылы сөздер айтты.